Hugrænn ávinningur með veftækni

Með því að nýta veftækni hefur Mín líðan getað boðið notendum sínum árangursrík meðferðarúrræði á netinu. Eina sem notandi þarf er tölva eða snjalltæki tengt neti. Hægt er að hefja meðferð strax og sinna henni hvar og hvenær sem er. Verkefnið er unnið í samstarfi við Velferðaráðuneytið og Embætti Landlæknis.

Úrræði við þunglyndi og félagskvíða

Báðum meðferðaleiðum er skipt upp í 10 tíma sem innihalda fræðslu, verkefni og æfingar þar sem skjólstæðingur lærir hagnýtar aðferðir hugrænnar atferlismeðferðar og hvernig á að beita þeim í daglegu lífi. Sálfræðingur gefur endurgjöf á verkefni skjólstæðings auk þess að vera skjólstæðingi alltaf til halds og trausts í gegnum samskiptasvæði vefsins.

Ef þú ert með depurðareinkenni er meðferð við þunglyndi eitthvað fyrir þig. Í meðferðinni lærir þú að draga úr neikvæðum hugsunarhætti og auka virkni í daglegu lífi. Markmiðið er að þú náir tökum á eigin líðan!
Ef þú telur þig vera með einkenni félagskvíða er meðferð hjá Mín líðan frábær kostur fyrir þig. Í meðferðinni lærir þú að minnka kvíða í félagslegum aðstæðum og markmiðið er að þér líði vel í félagslegum aðstæðum!
Er ég með einkenni?

Er ég með einkenni?

Áður en notandi hefur meðferð getur hann framkvæmt mat á einkennum. Notandi svarar þannig stöðluðum spurningalista em gefur vísbendingar um hvort einkenni þunglyndis eða kvíða séu til staðar. Séu einkenni til staðar getur notandi skráð sig í frían prufutíma.

Frítt að prófa. Ávinningur fyrir alla.

Frítt að prófa. Ávinningur fyrir alla.

Það er gott að leyfa notendum að prófa vöruna áður en þeir taka kaupákvörðun. Þannig vita þeir nákvæmlega að hverju þeir ganga. Stjórnendur kerfisins fá jafnframt verðmætar markaðslegar upplýsingar um áhugasama kaupendur að kerfinu sem þeir geta fylgt eftir.

Virk endurgjöf á æfingar og verkefni

Virk endurgjöf á æfingar og verkefni

Skjólstæðingur vinnur bæði æfingar og verkefni meðan á meðferð stendur. Æfingar eru oftast gagnvirkar og skila skjólstæðingi endurgjöf sjálfvirkt. Sálfræðingur veitir hinsvegar endurgjöf á verkefni og er skjólstæðingi til stuðnings í gegnum ferlið. Enn fremur sendir kerfið skjólstæðingi sjálfvirkar áminningar og hvatningu hafi notkun greint mjög lítil.

Samskipti við sálfræðing

Samskipti við sálfræðing

Sálfræðingur er skjólstæðingi ávallt innan handa í gegnum kerfið. Skjólstæðingar geta sent sálfræðingi skilaboð í gegnum spjallið á meðan á meðferð stendur og þannig fengið þá aðstoð og stuðning sem hentar.

Öryggið á oddinn

Við þróun vefsins var sérstök áhersla lögð á öryggismál. Vefurinn er unnin og rekinn undir handleiðslu okkar helsta sérfræðings í öryggismálum. Að því sögðu hefur vefurinn fengið jákvæða úttekt hjá helstu öryggissérfræðingum landsins auk þess að hafa fengið samþyki Embætti Landlæknis til reksturs.

Rafræn auðkenning

Rafræn skilríki eru tveggja þátta auðkenning sem notuð er í hinum stafræna heimi til auðkenningar á notendum.

Vafravarnirnar gerðar vel

Við beitum margþættum lausnum til að verjast XSS árásum. Einnig hámörkum við öryggi við HTTPS samskipti, takmörkum dulkóðunaralgrímin í boði og stillum HSTS hausa af kostgæfni. 

Stöðug dulkóðun gagnagrunns

Við notumst við öflugustu útfærslu af gagnagrunnsdulkóðun fyrir MSSQL til þess að tryggja að gögn séu bæði dulkóðuð á diski og þegar þau eru lesin í minni.

Sértæk hýsing

Vefurinn er rekinn á eigin sýndarþjóni í öruggu og ISO27001 vottuðu umhverfi í hýsingarsal Þekkingar.

Gagnaöryggisstefna

Starfsmenn vefsins hafa sett upp og framfylgja öflugri gagnaöryggisstefnu.

Vefkerfi ársins

2018

Kerfið hlaut íslensku vefverðlaunin 2018 og er jafnframt fyrsta lausn sinnar tegundar sem fær leyfi til rekstur frá íslenskum heilbrigðisyfirvöldum. Við erum bæði stolt og ánægð að hafa tekið þátt í slíku brautryðjanda verkefni.

Vefkerfi ársins

Frá upphafi hefur Vettvangur verið órjúfanlegur hluti af okkar litla fyrirtæki

Þegar Mín líðan var enn bara hugmynd þá óraði okkur ekki fyrir hversu stórt og krefjandi verkefnið yrði fyrir vefstofuna sem tæki það að sér. Að færa sálfræðimeðferð úr hefðbundinni samtalsmeðferð og nær alfarið á veraldarvefinn reyndist vera mun stærri og flóknari vegferð en við gerðum okkur grein fyrir í upphafi.

Við hittum margar vefstofur, forritara og hönnuði og fundum aldrei neinn sem skildi almennilega okkar þarfir. Þegar við loksins hittum teymið hjá Vettvangi þá small eitthvað frá fyrsta fundi og við fundum strax að við yrðum í góðum höndum. Vafalaust væri Mín líðan enn bara hugmynd ef við hefðum ekki gerst svo heppin að fá ábendingu um Vettvang vefstofu.

Frá upphafi hefur Vettvangur ekki bara verið samstarfsaðili Mín líðan heldur órjúfanlegur hluti af okkar litla fyrirtæki og það skín í gegn í allri þeirra vinnu að þeir líta samstarfið sömu augum og við. Þjónustan er persónuleg og fylgir Vettvangur þörfum viðskiptavina sinna.

Sveinn Óskar & Tanja Dögg, eigendur Mín líðan