Skip to content
Fara aftur á forsíðu

Handtökum fækkað með aukinni sjálfvirkni

Innnes er ein stærsta heildverslun á Íslandi með matvörur. Innnes vildu stórbæta þjónustu við viðskiptavini og gera þeim kleift að eiga nær öll samskipti við félagið í gegnum stafrænar lausnir. Við tókum slaginn með Innnes og höfum saman þróað vandlega samþætta verslunar-og þjónustulausn sem svarar kallinu.  

Fullkomlega sjálfvirkt

Með öflugri sjálfvirkri samþættingu við Dynamic AX byggjum við upp vörutré með birgðum nokkrum sinnum á sólahring. Við birtum auðkenndum notendum á öruggan hátt viðskiptagögn frá sama kerfi. Þannig hafa notendur aðgang að vörulistanum í heild sinni á sínum forskilgreindu viðskiptakjörum. Einnig hafa þeir yfirlit reikninga, yfirlit eldri pantana og fleira sem einfaldar líf þeirra. Vörumyndir og upplýsingar koma frá þriðja kerfinu, DataDwell. Þessi gögn eru pöruð sjálfvirkt við gögnin úr AX svo úr verður heildstæð vefverslun. 

Með þessu stórlega fækkum við handtökum og einföldum líf notenda til muna. 

Flóknir hlutir gerðir einfaldir

Flóknir hlutir gerðir einfaldir

Með sjálfvirknina að vopni sendum við pöntunina þína beina leið í samantekt á lager á aðeins örfáum millisekúndum. Þaðan fer pöntunin beint út í bíl til flutnings. Einfalt og þægilegt.

Undirbúningur

Í upphafi verkefnisins var unnin ítarleg undirbúningsvinna með Innnes þar sem þarfir voru greindar, kerfið teiknað upp og verkefninu skipt í áfanga. Mikil vinna var lögð í að flokka og skilgreina vörutré svo upplifun notenda af kerfinu yrði sem best. Hönnun er notendamiðuð, stílhrein og aðgengileg og er ætlað að auðvelda notendum lífið, ekki flækja það. 

Einfaldleikinn í fyrrirúmi

Einfaldleikinn í fyrrirúmi

Einfaldleikinn var hafður í fyrirrúmi við hönnun vefsins. Valmyndin var hugsuð með þá vöruflokka sem mest eru skoðaðir á vefnum í huga og eru þeir alltaf nálægir notendanum.

Vöruspjaldið

Vöruspjaldið

Vöruspjaldið heldur utan um allar upplýsingar tengdar vörunni. Þar má finna bæði listaverð og reiknuð afsláttarverð til viðskiptavina, upplýsingar um fjölda í kassa og kassaverð. Vöruspjaldið birtir jafnframt tæknilegar upplýsingar s.s. innihaldslýsingar og ofnæmisvalda og fleira sem koma úr þriðja kerfi. 

Leitin

Leitin

Við skrifuðum gríðarlega öfluga leitarvél sem fer í gegnum hvern krók og kima vefsins. Við vissum að notendur þurfa oft á tíðum að geta unnið sínar pantanir á miklum hraða og því gerum við þeim kleift að bæta vörum beint í körfu úr leitinni.

Endurgera pöntun

Endurgera pöntun

Í mörgum tilfellum panta notendur að miklu leyti sömu hlutina aftur en þó með afbrigðum. Notendur geta með einum músarsmelli endurskapað gamla pöntun í körfunni og haldið svo áfram að bæta við hana. Við pössum að sjálfsögðu að láta notendur vita ef einhver vara er ekki til á lager. 

Pöntunarferlið

Við hönnuðum pöntunarferlið með skilvirkni, hraða og öryggi í huga. Pantanirnar geta innihaldið mikið magn og því höfum við dregið samtöluna til hliðar, til einföldunar fyrir notendur. Við höfum skráðar hjá okkur allar notendaupplýsingarnar svo notendur þurfa ekkert að fylla út í ferlinu. Einungis að ganga úr skugga um að allt sé til staðar og svo senda pöntun inn. 

Á skrefi 1 ert þú beðin um að yfirfara körfuna þína. Ef allar vörur eru á sínum stað og í réttu magni þá heldur þú áfram.
Á skrefi tvö gengur þú frá upplýsingum um afhendingu. Pöntun miðast við að afhending eigi sér stað næsta virka dag en hægt er að velja samdægursafgreiðslu, þar sem það á við, ef pantað er snemma.
Á skrefi 3 færð þú staðfestingu þess efnis að pöntun þín sé kominn til skila ef allt hefur gengið eftir.

Nokkrar áhugaverðar virknir

Staðkvæmdarvörur

Ef svo illa fer að varan sem notandi leitar að er ekki til á lager þá kappkostum við að sýna honum vörur sem geta leyst hana af hólmi. Notendur ættu því að geta haldið ótrauðir áfram með sýna pöntun. 

Uppáhalds vörur

Notendur geta valið sínar uppáhaldsvörur og sett í lista, sem er þeim alltaf aðgengilegur. Þannig geta notendur haldið utan um þær vörur sem vekja áhuga þeirra og flýtt fyrir vörukaupunum.

Tæknilegar upplýsingar

Í vefversluninni hafa notendur aðgengi að auknum upplýsingum s.s. innihaldslýsingum, ofnæmisvöldum og fleira.

Ánægðir notendur

Notendur hafa tekið vefversluninni ákaflega vel og þá sérstaklega minni og meðalstórir viðskiptavinir ásamt öllum þeim sem hafa starfsemi utan höfuðborgarsvæðisins.  Fjöldi pantana fer vaxandi milli mánaða og er nú nú svo komið að kerfið sýslaði með um 1600 pantanir í Janúar 2020 í samanburði við 600 á sama tíma ári áður. Af þessu erum við feykilega stolt!

266%

Vöxtur í pöntunum milli ára

Stöðug þróun

Vettvangur trúir á stöðuga þróun. Góður arangur næst með stöðugri endurskoðun. Vefverslun Innnes hefur því þróast statt og stöðugt frá fyrstu útgáfu. Þróunin hefur mótast af notkun kerfisins og kröfum Innnes.

Viðmót fyrir sölumenn

Eftir góðar viðtökur var ákveðið að sölumenn færu að nota kerfið líka. Þeir geta mætt með spjaldtölvu og hjálpað viðskiptavinum að setja saman pantanir. 

Hraða bestun

Við unnum með upplýsingatækniteymi Innnesar að hraðabestun svo vefurinn geti sem best nýst fólki á ferðinni. 

Merkingar

Nú er auðvelt að finna til vörur sem henta ákveðnum hópum. Vegan, lífrænt eða glútenfrítt. Allt kemur þetta fram á vöruspjöldum og hægt er að birta einungis slíkar vörur sé óskað eftir því.